多謝SzeC同Victor影完相仍然咁有我地心😫 去歐洲旅行都不忘送份咁得意嘅掛飾畀我地❤️重點係「made in Italy」😆😆👍🏿仲有雪糕卷呀正🤤 掛飾而家掛左喺workshop大門，好鍾意呢😚 感謝各位對我地嘅厚愛呀，常在心❣️

MV Trailer

其實Rachel喺2016年年中嘅時候，已經inbox問過我拍微電影MV嘅詳情，但當時就冇join到～直到一年之後，當佢睇過佢朋友即係GetFUN舊客my dear Kristine嘅MV之後，最終都忍唔住join左啦❤️😆😆✌🏿 時間岩岩好，係天意呀！✨

MV Trailer

收到Krisy長長嘅情書呀💌 呢個可愛女人對我地實在好到顛左！影相果日一上到黎就拎左枝印有我同發個樣嘅手工啤酒出黎，係我同發嘅結婚相呀SHY SHY🙈 我呆左！呆係因為喺度諗點解佢地咁有心，特登搜尋我私人戶口再揀張相出黎印份禮物送畀我地😫😫未完架～臨出發前仲有壓軸禮物，係寫有GETFUN個名嘅瑪瑙石呀！！隻色仲要係LOGO嘅底色！靚到🤦🏻‍♀️ 十萬個鍾意呀❤️ 最後好痴線囉仲有流心月餅一盒！！媽呀想試好耐但又成日唔記得早啲訂😖 而家有得食喇！食哂先記得冇影相🙈 你同Willie會唔會太好呀？我無話可說啦🤷🏻‍♀️ 就用靚相答謝你地！！！✨✨

果日做完野搭左好耐車先番到workshop，好累好累，打開電話收倒好多msg，覆呀覆呀覆，一見倒Krisy呢篇咁用心打咁長嘅情書，成個醒哂‼️ 講堅真係感動到想喊，然後好感觸同發講左句，有時真係靠呢啲咁好嘅客同埋鼓勵說話，先有動力大步走落去😭😭😭 我地會繼續努力努力架💪🏿

WOW婚享同學會內文

史上首位影完即日打Blog嘅客人！呢個傻婆真係好Sweet Sweet❤️ 其實琴晚收隊番左屋企時已經收倒Connie嘅水蛇春咁長嘅Whatsapp msg多謝我同發，估唔到隔左陣仲出埋Blog! 🙈🙈 令我內心非常之咁情緒激昂！

話說琴日影到一半時，Connie同Andrew屋企隻狗狗唔見左😱，佢地要即刻番去處理，咁我地就跟埋去啦，沿路Connie已好慘慘豬喊哂口🙈 一落車就狂奔，我同發都跟埋一齊跑呀跑(回想番都好好笑😂)，本來鄰居話狗狗一直好乖坐喺門口，點知上到去乜都冇！😰 Connie即時放聲大喊，我聽倒心都酸埋😣 不過佢只係喊左一秒，突然有團毛毛喺我腳邊閃過，原來狗仔lay埋左喺樓層一角一聽倒主人喊就現身喇！之後緊係攬埋一齊啦Connie繼續做喊包不過係流住開心嘅眼淚～祖發鬆左一口氣！好似拍戲呀Happy Ending跳起Yeah!😆😆✌🏿

Connie成日話好感謝我地陪住佢，我就話係我地多謝佢畀我地呢兩個局外人跟住，幫唔倒手但又要照顧住我地～其實最最最開心嘅係，唔講作品好唔好先，GetFUN大部份客人喺讚我地嘅時候，真係花好大篇幅去描述我地之間嘅相處，結局故之然重要，但過程都係同樣重要架！呢個可能就係鏡頭之下嘅你地一啲都唔造作，個個都表現得好自然嘅原因啦😝 好喇好喇，讚完自己啲花好香喇🤣

經歷左咁傷神嘅事又拍左日MV，應該好累至岩，邊有人仲有心機打咁多字嘅文架？你地話呢個女人係咪好可愛先？❤️❤️❤️