多謝PoPo同阿南送嘅行李牌呀💕 超有心思😭 好感動呢 結婚後都仲記得我地，真係好鍾意❤️❤️ 我地個Workshop愈黎愈多「GetFUN」字樣嘅野喇！係愛呀❤️ HAPPY🙆🏻🙆🏿‍♂️

感謝Annie同阿發(阿發影阿發🤣)❤️ 好surprise您地原本唔打算影婚照(自稱肢體僵硬😂)，但後來發現GetFUN啲相好岩自己style所以最後join了❣️仲拍埋MV添🎬 然後我發現…Annie的阿發拍攝期間手心不停出汗，唔知有冇睇錯好似連手指都有汗😳 (證明係真心緊張好cute😆)所以還是要感激您地嘅信任，嗰日玩得好開心呢！仲有仲有！多謝Annie超貼心送我一枝防曬乳液💋超開心呀真係咁岩想轉防曬產品！yeah！

話說同Sharon阿濤影相嗰日，就係上星期無啦啦大風到青嶼幹線都封埋搞到大塞車嗰日🌪😳 而我地4個竟然唔識死，走出碼頭最遠個位影相個頭差啲甩呀好crazy😂辛苦哂大家喇！其實靚相真係得來不易架🤧🤧 成日聽倒事前新娘都話男友同自己都唔識擺pose亦唔識面對鏡頭，超擔心表現得唔好，但試問除左明星或者時下嘅KOL之外，有幾多人真係好有信心兼且一開始就可以表現得好自然先😝 呢樣野絕對唔需要擔心架，發成日話當出黎玩番日，係講真架！💪🏿我唔排除一開始嘅時候係會有啲生硬，但我保證好快大家都會好投入，我地「4公婆」一定玩得好開心❤️❤️❤️

MV Trailer

我地啲客人真係十萬個好😭 感激你地喜歡GetFUN❤️ 記得Cindy inbox嘅第一句，絕對唔係拋下句「How much」～佢係連價錢都未問，就一個長長嘅msg去形容自己有幾鍾意我地、有幾期待同我地去影相去玩✨ 然後先再問資料同埋約日子❣️其實收倒呢個msg真係好開心架～多謝你送嘅柚子蜜(送嘅時候仲要傻傻咁話因為睇倒面書知我鍾意飲😝🤤)同曲奇(好食到痴線囉我借送藥為名幾日就KO左😟)，更加要多謝嘅係你同阿偉明明已經影左一輯pw，但為左GetFUN都毫不猶豫即刻Join😚😚 對於呢位史上最怕醜客人仲有好多野想講😆但都係留番遲啲出相先～期待❤️❤️❤️

MV Trailer

多謝Jessica同Jacky請我地食雪糕haha好開心❤️ 雖然今次入迪士尼真係多人到超級得人驚，晨早入場情況似全村人走難😂 我同發都嚇一嚇同呆左一下，但係亦因爲咁多左唔同嘅新位影，都算係一個小小驚喜丫✨ 然後第二站去左佢地相識之地，對於一啲意義咁大嘅地方，我地都會盡力兼鍥而不捨咁影多啲相、拍多啲片架❣️阿發都成日話：唔怕影到你驚，至怕你地唔講😆😆 謝謝Jessica同Jacky留喺香港影呢輯選擇左GetFUN呀💕