Jennifer同Keith絕對係本年度我最喜愛客人之一❤️ Jennifer好可愛佢係諗倒啲咩就會直接講，同佢相處超舒服😆～仲有佢地真係好好好好人，平時多數我照顧人多，嗰日竟然有被照顧嘅感覺🙈 雖然有突發事情要即時改行程，但錯有錯著～反而去左對佢地更加有意義嘅地方繼續影相拍MV💕 戶外拍攝的確係多變數，回想番分秒必爭真係好刺激呀！其實份工唔辛苦就呃人嘅，但遇上好好嘅每一對你地，我覺得我地嘅生活過得好有意思❤️❤️

多謝Sheryl同陳Sir嘅喜愛❤️ Msg表示左佢地拍攝後感同收倒MV嘅「心路歷程」😆 值得一提嘅係拍攝當日去到尾升，阿發正喺度指導緊招牌深情眼神時，咁岩後面有幾位姐姐喺度聚餐播緊啲好入心嘅情歌，然後Sheryl竟然忍唔住喊左出黎！真係流左眼淚出黎呀❣️係幸福嘅眼淚呀❣️Sheryl真係好可愛好真情流露💕 好開心GetFUN couples咁投入參與～即係唔係只係為左輯相、或者只係為左婚宴上有個MV可以取代成長片段，而係相信我地呢個MV係會記錄低咁美好嘅回憶呢🎀

好開心收倒Milky嘅msg❤️ 多謝話畀我同發知道你地鍾意個MV❤️ 而最重要嘅係Milky感受倒我地嘅用心🙈 雖然GetFUN經營左已有兩年多，但我知道當初團火仍然好洪😆 成日都提住自己勿忘初衷，要相信自己做緊嘅事係有意義～所以得到大家認同真係好重要架❣️嘩原來好耐冇post過讚賞msg喇～累積左好多未post得切(巴閉～)😆 黎緊會追番架喇，冇咩事我都係入番去繼續佈置新Studio先Bye👋🏿