MV Trailer

好開心踏入2018年嘅第一日，就收倒Kolin好多字嘅情書喇❤️ 話說Kolin同Tommy係GetFUN好早期嘅客人，多謝你地咁有眼光選擇左我地haha😝

我好鍾意Kolin呢一句「有時人大左，工作生活忙碌，好易令自己忘記愛人，條片正正可以提醒我地毋忘初衷，攞返當初相愛嘅理由」呢個亦都係我同發嘅初衷💪🏿 用心製作一個屬於你地嘅MV，除左可以喺婚禮上播放，同每一位賓客分享你地嘅故事之外，最重要係留喺日後十年廿年之後，又或者一齊經歷人生高高低低之時，可以回味番今日相愛嘅理由✨

真心好開心收倒呢個msg🙈😝 Kolin我回覆你時唔記得同你講，我同發見客開會時播過你地嘅MV，已經有幾個女仔畀你搞到喊左😆 冇錯！係開會時一睇full version MV就喊左！

黎緊希望為更多天下幸福嘅情侶，拍更多愛情故事MV同影多啲靚相，記錄愛情最美麗嘅時刻(同搞喊多啲人haha)❤️❤️❤️

2018我地黎啦！！！✨✨✨👊🏿👊🏿